La Provincia de Misiones (tal que figura na so Constitución provincial)[1] o, más de volao, "Misiones" ye una de les 23 provincies qu'hai na República Arxentina. De la mesma, ye unu de los 24 estaos autogobernados que conformen el país y unu de los 24 distritos eleutorales llexislativos nacionales.[2][3] La so capital y ciudá más poblada ye Posadas. Ta allugada al nordeste del país, na rexón del Norte Grande Arxentín, llindando al norte y este colos ríos Iguazú, San Antonio, Pepirí Guazú y Uruguái que la dixebren de Brasil, al sur con Corrientes, per mediu de los regueros Itaembé y Chimiray, y al oeste col Ríu Paraná que la dixebra de Paraguái. Con 29 801 km² ye la tercer provincia menos estensa, per delantre de Tucumán y Tierra del Fueu, la menos estensa.
© MMXXIII Rich X Search. We shall prevail. All rights reserved. Rich X Search